Lastatempe, en la Supera Federacia Instituto Mödling por Teknika Edukado kaj Esplorado en Aŭstrio, junuloj el Ĉinio kaj Aŭstrio partoprenis en konkurso pri enkorpigita inteligenteco kaj en aliaj agadoj, sencimigis robotojn de enkorpigita inteligenteco, kaj interŝanĝis inĝenierajn kaj teknikajn spertojn. La studentoj diris, ke ĉi tiu agado ne nur liveris ŝancojn por reciproka lernado kun samaĝuloj kaj por problemsolvado el malsamaj anguloj, sed ankaŭ permesis al ili diskuti multajn interesajn temojn, plilarĝigante iliajn transkulturajn horizontojn. Ili emfazis la bezonon de plifortigitaj interŝanĝoj kaj de unlaboro inter malsamaj landoj por komune progresigi la teknologion de enkorpigita inteligenteco por la bono de la homaro. Aŭstraj edukistoj deklaris, ke junularaj interŝanĝaj agadoj permesas al studentoj el malsamaj landoj partopreni en intelekta interŝanĝo, pliigi siajn sciojn kaj stimuli kreivon, samtempe ebligante al ili kompreni malsamajn kulturojn kaj forĝi amikecojn. Ili esprimis sian esperon havi pli da junularaj interŝanĝoj kaj pli da kunlaboraj projektoj inter Aŭstrio kaj Ĉinio en la estonteco.
